دہلی کے نجف گڑھ علاقے میں چارٹرڈ پلین کی ایمرجنسی لینڈنگ، پٹنہ سے تھی پرواز

 دہلی کے نجف گڑھ کے جپھرپر کلاں گاؤں میں طیارے حادثہ کا شکار ہونے کی خبر ہے. ابتدائی رپورٹ کے مطابق پلین میں 7 لوگوں کے سوار ہونے کی اطلاع ہے. یہ ایک چارٹرڈ پلین تھا. طیارے نے ایمرجنسی لینڈنگ کی تھی. میڈیا رپورٹس کے مطابق جائے حادثہ کے قریب افرا تفری کا ماحول ہے، زخمیوں کو وہاں سے نکالا جا رہا ہے. بتایا جا رہا ہے کہ طیارے کا انجن فیل ہونے کی وجہ سے پلین کو ہنگامی حالات میں اترنا پڑا. جائے حادثہ پر فائر کی گاڑیاں



روانہ ہو گئی ہیں. اس حادثہ میں پانچ افراد کے زخمی ہونے کی خبر ہے.

دہلی پولیس کے ایک افسر نے بتایا کہ نجف گڑھ علاقے میں ایئر ایمبولینس گر کر تباہ ہوا، جس میں سات افراد سوار تھے. زخمی 5 لوگوں کو اسپتال پہنچایا گیا ہے.

ابتدایی اطلاعات کے مطابق جہاز ایک ایئر ایمبولینس تھا. طیارے الكمسٹ ایئر لائن کا بتایا جا رہا ہے. اس طیارے نے پٹنہ سے دہلی کے لئے پرواز بھری تھی. دن 2 بج کر 45 منٹ پر یہ گر کر تباہ ہو گیا. طیارے میں سات افراد سوار تھے.